Donnarumma dëshiron të qëndrojë në PSG, por thotë se klubi duhet të zgjedhë mes tij dhe Navasit

Donnarumma dëshiron të qëndrojë në PSG, por thotë se klubi duhet të zgjedhë mes tij dhe Navasit

Sport May 13, 2022 - 09:24
Lajmet e fundit nga Sporti

Portieri i PSG-së, Gianluggi Donnarumma, ka folur për të ardhmen e tij në klubin parisien, shkruan Zeri.info.

Përkundër një sezoni jo edhe shumë të mirë Donnarumma ka shprehur dëshirën e tij për të vazhduar bashkëpunimin me parisienët.

Ai këtë e konfirmojë për AFP-në: “Dua të qëndroj këtu në Paris Saint-Germain. Nuk ishte një sezon i lehtë, luajta gjysmën e ndeshjeve dhe nuk munda të jepja maksimumin".

Portieri foli gjithashtu edhe për konkurrencën me portierin tjetër, Keylor Navas, për vitin e ardhshëm, ku tha se klubi do të bëjë një zgjidhje.

“Jo, nuk do të jetë kështu. Klubi do të bëjë zgjedhje”, shtoi ai.

Kujtojmë se, Donnarumma iu bashkua PSG-së, duke u larguar nga Milani si njëri ndër transferet më të bujshme të merkatos verore. /Zeri.info