Bashkimi mposht Trepçën në ''Minatori''

Pas katër fitoreve radhazi, Trepça ka pësuar humbje në Superligën e Kosovës në basketboll, shkruan Zeri.info.

''Xehtarët'' pësuan humbje nga Bashkimi, në ndeshjen e vlefshme për javën e 12-të.

Ndeshja e zhvilluar sonte në palestrën ''Minatori'', ka përfunduar me rezultatin 83-87.

Valon Bunjaku me 30 pikë dhe Anton Kazarnovski me 26 sosh, ishin basketbollistët më të dalluar në fitoren e prizrenasve.

Kurse, te mitrovicasit u dallua Taurus Cockfield Jr me 25 pikë.

Bashkimi tani ka shtatë fitore dhe pesë humbje, kurse Trepça pësoi humbjen e tretë, krahas nëntë fitoreve. /Zeri.info