Derisa po raportonte për ndeshjen Empoli – Fiorentina, tifozët bëjnë ngacmim seksual me gazetaren Beccaglia

Një gazetare italiane u godit me shuplakë në anën e pasme ndërsa raportonte për një ndeshje futbolli që supozohej të ndihmonte në ndërgjegjësimin për dhunën ndaj grave.

Greta Beccaglia e Toscana TV po fliste me fansat e Fiorentinës kur u bë cak i një ngacmimi të turpshëm seksual nga njëri prej tyre.

Football Italia raporton se incidenti erdhi pasi Fiorentina humbi 2-1 nga Empoli në një përplasje të Serie A të shtunën.

Një mbështetës iu afrua Beccaglias nga prapa, duke e goditur më pas në të pasme.

Gazetarja ishte dukshëm e mërzitur dhe e zhgënjyer, derisa kërkoi nga ta që të mos bënin aso veprime:“Më falni, nuk mund ta bëni këtë, më falni”.

Menjëherë më pas, një tjetër mbështetës u ndal pranë Beccaglias përpara se të drejtonte gishtin e mesëm në drejtim të kamerës.

Policia tashmë është duke e hetuar rastin dhe tifozët e Fiorentinës mund edhe të vuajnë dënimin me burg për sulm seksual.