Arrestohet Afrim Tovërlani, dyshohet se i dehur kanosi me thikë Shpend Ahmetin
Sport
October 26, 2021 - 17:53
DETAJET
Mbrëmë është arrestuar trajneri i futbollit Afrim Tovërlani pasi i njëjti dyshohet se me thikë, derisa ka qenë në gjendje të dehur, e ka kanosur kryetarin e Komunës së Prishtinës, Shpend Ahmeti.
Policia e Kosovës e ka konfirmuar për “Zërin” se rasti i raportuar sot në raportin 24 orësh ka të bëjë me rastin në fjalë.
“Graçanicë, 25.10.2021-17:50. Është arrestuar i dyshuari mashkull kosovar i cili ka qenë nën ndikim të alkoolit dhe gjatë kontrollit tek i dyshuari është gjetur dhe konfiskuar një armë e ftohtë-thikë”, thuhet në njoftim.
Sipas Policisë, me vendim të prokurorit i dyshuari është dërguar në mbajtje. /Zëri
