Ditë historike për Maqedoninë e Veriut, Bardhi me shokë sot zhvillojnë ndeshjen e parë në Kampionatin Evropian
Sport
June 13, 2021 - 09:02
Lajmet e fundit nga sporti
Për Përfaqësuesen e Maqedonisë së Veriut sot (e diel) do të jetë një ditë historike, shkruan Zeri.info.
Maqedonia e Veriut sot do ta zhvillojë ndeshjen e parë në ''Euro 2020'', kampionat në të cilin siguroi kualifikimin për herë të parë në histori të këtij shteti.
Të përzgjedhurit e Igor Angleovskit janë në Grupin C, bashkë me Austrinë, Holandën dhe Ukrainën.
Kundërshtari i parë i Maqedonisë së Veriut është Austria, teksa ndeshja mes tyre zhvillohet sot nga ora 18:00.
Vlen të theksohet se te Maqedonia e Veriut për këtë Kampionat Evropian janë të ftuar gjashtë shqiptarë: Visar Musliu, Egzon Bejtullai, Ezgjan Alioski, Arijan Ademi, Enis Bardhi dhe Ferhan Hasani. /Zeri.info