Infektuar: 98835
Shëruar: 83591
Vdekur: 2008
Gjysmëfinale interesante në Ligën e Femrave, sot zhvillohen këto dy ndeshje

Gjysmëfinale interesante në Ligën e Femrave, sot zhvillohen këto dy ndeshje

Sport April 08, 2021 - 11:02
Lajmet e fundit nga sporti

Sot (e enjte) do të zhvillohen ndeshjet gjysmëfinale të “Play-off”-it në Ligën e Femrave, ku do të përballen top-4 e elitës së femrave dhe priten ndeshje mjaft interesante.

Bashkimi, që përfundoi garat e rregullta në pozitën e parë me 18 fitore dhe dy humbje, do të ndeshet me Vëllaznimin, që përfundoi garat në vendin e katërt me 12 fitore dhe tetë humbje.

Në këtë edicion këto dy skuadra u ballafaquan katër herë dhe skuadra prizrenase ka fituar katër herë.

Gjysmëfinalja tjetër do të zhvillohet ndërmjet Prishtinës dhe Penzës. Të dy skuadrat në garat e rregullta kishin nga 13 fitore dhe shtatë humbje dhe përballjet mes këtyre kanë qenë shumë interesante në garat e rregullta dhe kështu pritet edhe në gjysmëfinale.

Në garat e rregullta të dy skuadrat kishin nga dy fitore ndaj njëra tjetrës, andaj pritet takim interesant.

Skuadrat që shënojnë nga dy fitore do të kualifikohen në finalen e madhe. /Zeri.info

Image