Infektuar: 101517
Shëruar: 87012
Vdekur: 2072
Pas fitores ndaj Osasunës, Barcelona regjistron një rekord të ri në La Liga

Pas fitores ndaj Osasunës, Barcelona regjistron një rekord të ri në La Liga

Sport March 07, 2021 - 10:03
Lajmet e fundit nga sporti

Pas fitores të shtunën mbrëma ndaj Osasunës, Barcelona ka shënuar një rekord të ri në La Liga, shkruan Zeri.info.

Ndeshja e zhvilluar mbrëmë në “El Sadar” përfundoi me rezultatin 0-2. Jordi Alba dhe Ilaix Moriba shënuan golat e fitores, teksa Lionel Messi ishte asistues te të dy golat.

Moriba u bë lojtari i tretë nën moshën 19 vjeçare që shënon gol për katalunasit në këtë sezon. Ai është 18 vjeç.

Kështu, Barcelona bëhet klubi i parë në histori të La Ligës që ka për golashënues tre futbollistë nën 19 vjeç brenda një sezoni.

Më herët, rrugën për te goli e kishin gjetur edhe dy 18 vjeçarët, Pedri e Ansu Fati. Madje, këta të fundit golat e parë me fanellën e Barcelonës i kanë shënuar si 17 vjeçarë. /Zeri.info