Xherdan Shaqiri do largohet gjatë verës, Liverpooli i cakton çmimin

Xherdan Shaqiri do largohet gjatë verës, Liverpooli i cakton çmimin

Sport February 27, 2021 - 23:18
Lajmet e fundit nga sporti

Liverpooli raportohet se është duke planifikuar shitjen e Xherdan Shaqirit në afatin kalimtar të verës së këtij viti, transmeton Zeri.info.

“Football Insider” shkruan se kampioni në fuqi anglez ka vendosur për shitjen e tij dhe se drejtori, Michael Edwards, po kërkon që klubi të fitojë sa më shumë nga shitja e tij.

Sipas këtij medium, “Të Kuqtë” do kërkojnë së paku 23 milionë funte për shitjen e tij, teksa edhe lojtari besohet se dëshiron largimin.

Mbetet të shihet nëse ndonjë nga klubet evropiane do transferojnë 29 vjeçarin për këtë çmim, duke marrë parasysh krizën financiare që ka shkaktuar koronavirusi.

Ndryshe, Xherdan Shaqiri është pjesë e Liverpoolit që nga viti 2018, teksa ka kontratë të vlefshme deri më 30 qershor të vitit 2023. /Zeri.info