Klodian Duro dhe Besmir Bojku përfundojnë në disiplinore
Trajneri i Feronikelit, Klodian Duro, dhe futbollisti i kësaj skuadre, Besmir Bojku, kanë përfunduar në displinore, shkruan Zeri.info.
Komisioni i Garave i Superligës dhe Ligës së Parë sot (e premte) ka publikuar vendimet e marrura nga xhiro e 21-të.
V E N D I M E T
1.Regjistrohen ndeshjet e xhiros së 21-të të Superligës së Kosovës në futboll për edicionin 2020/2021, me rezultatet e arritura në fushë.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare të ndeshjeve, lidhur me rregullsinë e fillimit, zhvillimit dhe përfundimit të ndeshjeve, Komisioni i Garave pas administrimit të të gjitha materialeve dhe shkresave të prezantuara, incizimeve televizive, raporteve të personave zyrtarë të FFK-së si dhe mediave, hapi procedurë disiplinore për këto raste:
Inicim disiplinor
-ndaj futbollistit të KF “Feronikeli“ , me nr 10 Besmir Bojku me nr ID 015417M95.
Motivi : Ndërhyrje e palejuar si lojtar i fundit . Sipas raporteve të zyrtareve të ndeshjes Feronikeli – Drenica.
-ndaj kryetrajnerit të KF “ Feronikeli”, Klodian Duro me nr ID 022478M77. Motivi: Pas përfundimit të ndeshjes lojtarët dhe shtabi teknik mysafirë derisa festonin fitoren në mes fushë, i njëjti afrohet dhe provokon mysafirët, me ç’rast shkakton incident në mes të skuadrave dhe me ndërhyrjen e policisë evitohet eskalimi i situatës. Sipas raportit të delegatit të ndeshjes.
/Zeri.info
