Lideri ndalet në “Karagaçi”, Peja fiton derbin ndaj Rahovecit
Ka përfunduar ndeshja e javës së 16-të në Prince Caffe Superligën e Kosovës në basketboll ndërmjet Pejës dhe Rahovecit, shkruan “Zeri.info”.
Lideri i kampionatit, Rahoveci, është mposhtur në “Karagaçi” nga Peja.
Rezultati ishte 90:85 për “Shqiponjat” të cilët regjistruan fitoren e tretë radhazi.
Ndërkaq, “Vreshtarët” pësuan disfatën e parë pas katër fitoreve radhazi në elitën e basketbollit kosovar.
Me këtë fitore, Peja shkon në kuotën e 27 pikëve, derisa Rahoveci përkundër humbjes vazhdon të mbetet lider i Superligës me 28 pikë.
Më të dalluarit te kjo fitore e pejanëve ishte Marko Peroviq me 25 pikë, derisa me pikë dyshifrore kontribuuan edhe Brandon Walters me 24 pikë dhe Dardan Berisha me 22 të tilla.
Te Rahoveci më i dalluari ishte amerikani Marvin Jones me 35 pikë, i përcjellur nga Isaiah Traylor (25) dhe Alban Veseli (16). /Zeri.info