Infektuar: 57028
Shëruar: 50184
Vdekur: 1433
Rrahmani deklarohet pas triumfit ndaj Empolit: Po mendojmë për një vend në katërshen e madhe

Rrahmani deklarohet pas triumfit ndaj Empolit: Po mendojmë për një vend në katërshen e madhe

Sport January 14, 2021 - 09:58
Lajmet e fundit nga sporti

Futbollisti i Kosovës, Amir Rrahmani, mbrëmë ishte titullar në fanellën e Napolit në sfidën e fituar ndaj Empolit në Kupën e Italisë, transmeton “Zeri.info”.

Rrahamni i cili u kritikua ashpër pas ndeshjes me Udinesen, foli pas takimit për Rai-n, duke theksuar se skuadra e tij kishte zhvilluar një ndeshje të shkëlqyer:

“Është gjithmonë e vështirë në Kupë, shumë skuadra duan të shkojnë sa më larg në këtë garë. Ne ishim pak të hapur, por, në fund të fundit, kemi zhvilluar një ndeshje të shkëlqyer. Çfarë na tha Gennaro Gattuso në dhomën e zhveshjes? Gjëja e rëndësishme është që kaluam raundin. Tani jemi në çerekfinale, ku do të përballemi me ekipet më të forta.”

Rrahmani më pas foli edhe për ndeshjet e kampionatit, teksa theksoi se objektivi parësor është renditja mes katër skuadrave më të mira:

“Të gjitha ndeshjet janë të vështira, por kundërshtarët cilësorë gjithmonë ta bëjnë jetën më të vështirë. Ne punojmë për të luajtur ndeshjen tonë dhe për të ecur përpara, vlen edhe për kampionatin. Po zhvillojmë një kampionat atipik dhe duhet të rikuperojmë ndeshjen me Juventusin. A është titulli objektivi ynë? Ne e dimë që duhet të futemi të paktën në katërshen e parë, por kurrë nuk mund ta dish se çfarë do të ndodhë. Do të shohim ndeshje pas ndeshjeje”. /Zeri.info