Nëse një futbollist kollitet në ndeshjet e Premierligës, do të ndëshkohet me të verdhë
Sport
August 03, 2020 - 18:37
Për shkak të pandemisë COVID-19, futbolli pothuajse në gjithë botën u pezullua për rreth tre muaj, ashtu edhe në Premierligë.
Pas rikthimit të futbollit anglez, disa rregulla të reja u vendosën në fushën e gjelbër, shkruan "Zeri.info".
Duke nisur nga pesë zëvendësimet, por edhe te disa rregulla tjera.
Tani, në Britani të Madhe është vendosur edhe një tjetër rregull i ri.
Federata angleze e futbollit ka vendosur se nëse një lojtar kollitet qëllimisht në afërsi të kundërshtarit ose gjyqtarit të takimit, atëherë ai do të ndëshkohet me kartonin e verdhë.
Kjo për të respektuar masat anti-COVID dhe shikohet nga specialistët si një masë shumë e mirë për t'u vendosur. /Zeri.info