Botafogu e zyrtarizon sulmuesin e njohur Salomon Kalou
Sport
July 10, 2020 - 15:34
Detajet
Klubi gjerman Hertha Berlin njoftoi largimin e pesë futbollistëve dhe pa dyshim emri më i madh në mesin e tyre ishte ai Salomon Kalou, raporton "Zeri.info".
Sulmuesi nga Bregu i Fildishtë fajësohej nga klubi për shkeljen e rregullave të COVID-19, duke mos respektuar disa masa.
Pas largimit nga Gjermania, ish-sulmuesi i Chelseas ka zgjedhur Brazilin si vend për të vazhduar karrierën.
Është skuadra braziliane Botafogo që ka angazhuar Kaloun, të cilin e ka zyrtarizuar si transferim.
Botafogo prej kohësh po përcjell emra të mëdhenj të futbollit botëror.
Para Kalous ata kanë transferuar Keisuke Hondan dhe të dy do të jenë fytyra e re e klubit nga Rio de Janeiro. /Zeri.info