Trajneri dhe futbollistët e Romës u gjunjëzuan sot në nderim të George Floydit
Vdekja e George Floydit gjatë arrestimit të tij nga policia në Minneapolis ka shkaktuar bujë të madhe anë e mbanë botës, transmeton “Zeri.info”.
Protesta të shumta janë mbajtur në Shtetet e Bashkuara të Amerikës dhe në vende të tjera të botës pasi Floydi, një person me ngjyrë i paarmatosur, vdiq derisa ishte duke u arrestuar nga polici Derek Chauvin.
Një nunër i madh sportistësh kanë shprehur solidarizimin e tyre pas vdekjes së Floydit.
Sot, trajneri dhe futbollistët e Romës janë gjunjëzuar në nderim të Floydit.
“Trajneri i Romës, Paulo Fonseca dhe lojtarët e tij u gjunjëzuan sot para stërvitjes për të shprehur përkrahjen e tyre për (kampanjën) # BlackLivesMatter (Jeta e personave me ngjyrë ka vlerë)”, shkruan klubi romak në faqen zyrtare të tij në rrjetin social “Twitter”./Zëri
#ASRoma coach Paulo Fonseca and his players today took a knee before training in a show of support for #BlackLivesMatter pic.twitter.com/BSfOVlkKAx
— AS Roma English (@ASRomaEN) June 2, 2020
