Pogba duhet të pranojë ulje page në rast se dëshiron rikthimin te Juventusi

Juventusi raportohet se i ka treguar Paul Pogbas se duhet të pranojë ulje page nëse ai do të largohet nga Manchester Unitedi në drejtim të "Zonjës së Vjetër".

Sipas 'Tuttosport', Juventusi mund t'i ofrojë mesfushorit francez një pagë vjetore prej nëntë milionë euro, shkruan "Zeri.info".

Kjo nënkupton se paga aktuale prej 12 milionë euro në vit e Pogbas do të ulej te Juventusi.

Një problem tjetër është se Manchester United kërkon 100 milionë euro për largimin e Pogbas.

Megjithatë, Juventusi mund të përfshijë në ofertë futbollistë si Douglas Costa, Adrien Rabiot ose Aaron Ramsey.

Nga ana tjetër, Manchester United do të donte Alex Sandron ose Merih Demiral në këtë marrëveshje. /Zëri.info