Infektuar: 1083
Shëruar: 843
Vdekur: 30
Presidenti i Feronikelit, Naser Ramaj, flet nëse kampionati duhet vazhduar ose anuluar

Presidenti i Feronikelit, Naser Ramaj, flet nëse kampionati duhet vazhduar ose anuluar

Sport April 10, 2020 - 10:06
Lajmet e fundit nga sporti

Futbolli në botë por edhe në Kosovë po vazhdon të përballet me një krizë të madhe. Ndalimi i garave por edhe i shumë bizneseve anembanë ka bërë që financat nëpër klubet kosovare të bien maksimalisht, derisa një situatë tjetër që po diskutohet shumë, është nëse kampionati duhet vazhduar në këto kushte apo anuluar ky edicion, shkruan Zëri.info.


Analistët vlerësojnë se garat duhet të vazhdojnë, qoftë edhe më një sistem tjetër garimi përmes play-offit ose edhe përmes ndonjë turneu ndryshe do të ishte padrejtësi të mbyllet në këtë kohë kur kanë mbetur edhe 11 ndeshje për t’ju luajtur.

Për këtë çështje për Zëri.info ka folur edhe presidenti i Feronikelit, Naser Ramaj i cili pranon se nuk është në ngjarje çfarë po ndodh në Kosovë pasi është jashtë shtetit dhe e ka të pamundur të kthehet në këtë kohë në Drenas.Image

“Sinqerisht nuk jam shumë në ngjarje rreth Feronikelit. Jam jashtë vendit dhe posa të kalon kjo situatë do të kthehem dhe do të bisedojmë për gjithçka rreth klubit tonë por edhe hapat që do ti marrim në bashkëpunim me klubet tjera”, ka thënë numri një i Feronikelit, Naser Ramaj duke folur më pas nëse gara duhet vazhduar apo anuluar.

“Po e përsërisë edhe një herë që nuk jam shumë në rrjedha por mendoj se është federata ajo që do të duhej të vëndosë për kampionatin në vazhdim se çfarë do të ndodh. Ajo që është me rëndësi tash për tash është që të kalojë sa më shpejt kjo situatë dhe gjithçka t’i kthehet normalitetit”, ka përfunduar Naser Ramaj. /Zëri.info