‘Nuk duhet të bie asnjë nga Serie A’

Adriano Galliani është optimist mbi rifillimin e Serisë A, por nga lartësia e përvojës së tij, drejtori sportiv i Monzës, parashikon disa ndryshime drastike për sa i përket futbollit italian e sidomos atij elitar.Galiani dhe Barabara Berluskoni

“Ecuria e futbollit italian, por jo vetëm, varet nga momenti kur do të duhet që gjithçka të rinisë, e për momentin nuk ka asnjë datë. Po të vendosja unë, do të preferoja që katër ekipet e renditura të parat të shkonin në Ligën e Kampioneve, teksa rëniet nga kategoria do t’i anuloja për këtë sezon.

Duhet gjetur një zgjidhje me sa më pak burokraci në këto çaste, ndaj mendoj se në vitin e ardhshëm Seria A dhe B do të kenë nga 22 ekipe pjesëmarrëse.” ka deklaruar Galiani në emisionin radiofonik “La Politica del Pallone” (Politika e topit).

Ish drejtuesi i Milanit është ndalur edhe në një aspekt të veçantë siç është merkato e futbollit e cila në këtë verë nuk ka se si të jetë me afatet që e kanë karakterizuar në të kaluarën.galiani

Lidhur me këtë temë, Galiani ka sugjeruar: “Nuk do të ketë goditje të mëdha, ndaj besoj se do të asistojmë në një merkato ku huazimet do të jenë kryefjala. Kjo praktikë është tipike e sportit amerikan e të gjithë mund të ndjekin shembullin e kampionatit amerikan të basketbollit (NBA).”