Frika nga koronavirusi, klubi i mbrojtësit shqiptar pezullon trajnerin
Klubi hungarez, Budapest Honved, ka vendosur ta pezullojë trajnerin e skuadrës, Giuseppe Sannino për shkak të frikës nga koronavirusi, transmeton zeri.info
Koronavirusi së fundmi ka prekur edhe Evropë, ku më shumë raste janë regjisturar në Itali, teksa kanë humbur jetën e edhe disa njerëz.
Pikërisht për këtë arsye Budapest Honved ka vendosur të pezullojë trajnerin italian Giuseppe Sannino.
Sipas njoftimit të klubit hungarez, trajneri ka pasur kontakte me njerëzit e prekur nga ky virus në Itali dhe kanë vendosur ta pezullojnë nga drejtimi i skuadrës.
Një njoftimin e klubit thuhet se ata duan të mbrojnë tifozët, lojtarët dhe stafin dhe për këtë arsye tani po kërkojnë një trajner në vendin e Saninos.
Kujtojmë se te Honvedi aktivizohet edhe mbrojtësi shqiptar, Naser Aliji./Zëri