Zbulohet ndeshja e radhës që zhvillohet në 'Air Albania Stadium', ja çmimet e biletave

Tirana publikoi çmimet e biletave për sfidën e së dielës kundër Teutës, e cila do të luhet në stadiumin “Air Albania”.

Një biletë në tribunat anësore kushton 500 lekë të reja, ndërsa në tribunën ballore bileta për të ndjekur takimin mes bardhebluve dhe “djemve të detit” ka vlerën 1 mijë lekë të reja.

Në tribunën qendrore, bileta kushton 2 mijë lekë të reja, kurse për tribunën VIP çmimi i biletës Tirana-Teuta shkon 3 mijë lekë të reja.

Për sa i përket tifozëve kundërshtarë, Tirana ka vendosur t’i ulë në sektorin V (tribuna anësore).

Ky është takimi i tretë i kampionatit shqiptar që do të luhet në impiantin më të ri të futbollit shqiptar./Panorama