Këto janë fjalët emocionuese të shënuesit më të mirë në histori të NBA-së për Kobe Bryantin
Legjenda e NBA-së, Kobe Bryant ka ndërruar jetë të dielën në moshën 41-vjeçare, transmeton zeri.info
Ish-ylli i Los Angeles Lakers u përfshi në një aksident me helikopter në Kalabasas në mëngjesin e djeshëm.
Përveç ish-basketbollistit në helikopter ishte edhe vajza e tij, Gianna dhe shtatë persona të tjerë.
Shënuesi më i mirë në histori të NBA-së, Kareem Abdul-Jabbar, i cili kishte luajtur për LA Lakers në periudhën 1975-1989 ka deklaruar se humbja e Bryantit është shumë e vështirë për t’u pranuar.
“Është shumë e vështirë për mua ta them me fjalë se si ndjehem. Kobe ishte një njeri familjar i jashtëzakonshëm, ai e donte gruan dhe vajzat e tij, ai ishte një sportist fenomenal, ai inspiroi një gjeneratë të tërë. Kjo humbje është e vështirë të pranohet”, ka thënë ai./Zëri
