Prekëse: Trajneri i LA Clippers shpërthen në lot gjatë intervistës duke folur për Bryantin
Legjenda e NBA-së, Kobe Bryant ka ndërruar jetë të dielën në moshën 41-vjeçare, transmeton zeri.info
Ish-ylli i Los Angeles Lakers u përfshi në një aksident me helikopter në Kalabasas në mëngjesin e djeshëm.
Përveç ish-basketbollistit në helikopter ishte edhe vajza e tij, Gianna dhe shtatë persona të tjerë.
Trajneri i LA Clippers, Doc Rivers ishte shumë i emocionuar kur foli për Bryantin në intervistën e tij para ndeshjes me Orlando Magic.
Rivers nuk mund t’i ndalte lotët gjatë kësaj interviste, duke thënë se është e pa imagjinueshme se Bryant dhe vajza e tij 13 vjeçare, Gianna kanë humbur jetë në atë aksident.
“Unë thjesht nuk kam shumë për të thënë,” tha Rivers.
“Lajmi është thjesht shkatërrues për të gjithë ata që e njohën. Ai do të thotë shumë për mua, padyshim. Ai ishte një kundërshtar kaq i madh … është ajo që ju dëshironi në sport. Kjo është e vështirë. Duhet të luajmë. Lajmet janë thjesht shkatërruese për (gruan e Bryant) Vanessan dhe familjen e tij… Ka kaq shumë njerëz që ai i preku. Duke parë lojtarët e mi të rinj dhe duke parë se sa emocionues janë ata – ata as nuk e njihnin atë.. Kjo thjesht ju tregon se kush ishte ai”, u shpreh trajneri duke mos mundur dot t’i ndalte lotët.
Rivers u përpoq ta rimerrte veten, por u ndal në lot përsëri para se të fliste për herën e fundit që e pa Bryantin./Zëri
“He had that DNA that very few athletes can ever have.”
— NBA TV (@NBATV) January 26, 2020
Doc Rivers on Kobe Bryant. pic.twitter.com/kSS7sjKaI1
