Klubi kosovar i shpërblen lojtarët me para në rast se kualifikohet Kosova
Përzgjedhësi i Përfaqësueses së Kosovës në futsall, Ramadan Cimili tash e disa ditë i ka nisur përgatitjet për grumbullimin përgatitor për raundin e parë kualifikues për Euro 2022, i cili do të mbahet në Gjeorgji prej 29 janar deri më 2 shkurt, raporton Zëri.info.
Në këto kualifikime Dardanët e futsallit do t’i luajnë tri ndeshje; kundër Austrisë më 29 janar, në orën 16:00, kundër Gjermanisë, më 30 janar, po ashtu në orën 16:00 dhe kundër Gjeorgjisë, më 2 shkurt, në orën 22:00.
Klubi i futsallit Mabetex Prishtina ka vendosur që t'i shpërblejë me para lojtarët e saj të ftuar nga Cimili në rast kualifikimi të Kosovës.
Drilon Paqarizi, Mërgim Dervishaj, Melos Kelmendi, Dardan Topilla, Jeton Rukovci dhe Fitim Krasniqi janë lojtarët e Mabetex Prishtinës të ftuar nga Cimili.
Postimi i klubit në rrjetin social Facebook pa ndërhyrje
E enjtë, 23 Janar 2020 | Venus Hotel
Drilon Paqarizi | Mergim Dervishaj | Melos Kelmendi
Dardan Topilla | Jeton Rukovci | Fit A. Krasniqi
Presidenti z.Dili, sot ka vizituar lojtarët të cilët janë grumbulluar në Kombëtarën e Kosovës, ku nga data 29 Janar do të udhëtojnë për në Gjeorgji për ndeshjet kualifikuese zyrtare nga UEFA.
Në rastë të kualifikimit të Kosovës, klubi #MabetexPrishtina do të ketë shpërblim për lojtarët tanë që janë pjesë e Kombëtarës.
Suksesi i Kosovës, është sukses i të gjithëve.