Milani fiton dramën ndaj Udineses
Milani ka shënuar një fitore shumë të rëndësishme ndaj Udineses, falë një goli të realizuar në minutën e fundit të kohës shtesë, shkruan zeri.info
Kuqezinjtë triumfuan me shifrat 3:2.
Ishte Udinese që kaloi e para në epërsi me anë të Jens Stryger Larsenit në minutën e gjashtë, derisa pjesa e parë u mbyll me shifrat 1:0 në favor të mysafirëve.
Milani e nisi shumë më mirë pjesën e dytë duke barazuar me anë të zëvendësuesit Ante Rebic në minutën e 48-të.
Ndërsa, e përmbysi rezultatin falë një super goli të Theo Hernandezit në minutën e 71-të.
Sidoqoftë, Udinese arriti që ta barazojë rezultatin në minutën e 85-të me anë të Kevin Lasagnas.
Ndërkohë, derisa dukej se sfida do të mbyllej në barazim, doli në skenë sërish Rebic, i cili shënoi në minutën e 93-të për ta vulosur triumfin e vendasve./Zëri