I pari i futbollit maqedon me fjalë të mëdha për Kosovën, përmend edhe ndeshjen me Anglinë
Përfaqësuesja e Kosovës do ta zhvillojë ndeshjen më të rëndësishme në histori gjatë muajit mars të vitit 2020.
Në play-offin e Ligës së Kombeve, Kosova e Bernard Challandes do të luajë ndaj Maqedonisë së Veriut në gjysmëfinale me synimin e vetëm - kualifikimin në 'Euro 2020', raporton Zëri.info.
Ndeshja në fjalë pritet të zhvillohet në Shkup, derisa edhe mbështetja ndaj 'Dardanëve' pritet të jetë e madhe.
Muhamed Sejdini, kryetar i FFM-së, i zgjedhur në marsin e këtij viti, e ka përgëzuar edhe Kosovën për paraqitjet e saj në ciklin eliminator.
Në mes të tjerash ai ka përmendur ndeshjen në Southampton, ku Kosova ia shënoi tre gola Anglisë në humbjen 5:3.
"Kosova nuk pati respekt ndaj asnjë kundërshtari, hyri në stadium dhe bëri lojën e vetë", ka thënë Sejdini në 'Dueli Sportiv', përcjell Zëri.info
"T'i shnosh tre gola Anglis nuk sht pak", u shpreh ai./Zëri.info