Mesazhi emocional i klubit rumun për Shqipërinë pas tërmetit shkatërrues të 26 nëntorit
Sport
December 08, 2019 - 16:09
Detajet
E gjithë bota është solidarizuar me familjet e të prekurve nga tërmeti që goditi Shqipërinë më 26 nëntor.
Madje, edhe nga sporti, shumë klube e tifo-grupe, si në vend, ashtu edhe në botë, kanë ndihmuar si dhe janë lutur për Shqipërinë, raporton Zëri.info.
Së fundmi, edhe klubi i mirënjohur rumun Dinamo Bucuresti është solidarizuar me Shqipërinë.
Pas ndeshjes, futbollistët e skuadrës rumune shpalosën një baner për nder të familjeve të prekura nga tërmeti në Shqipëri.
"Lutuni për Shqipërinë, solidarizohuni dhe dhuroni", shkruhej në banerin e futbollistëve rumunë.
Ndryshe, si pasojë e këtij tërmeti, mbi 50 persona ndërruan jetë dhe qindra të tjerë mbetën të lënduar./Zëri.info