Barça assesi të bëhet rehat, sapo mori një lajm të keq nga stafi mjekësor

Barça assesi të bëhet rehat, sapo mori një lajm të keq nga stafi mjekësor

Sport September 18, 2019 - 12:25
Detajet

Barcelona u përballë mbrëmë me Borussia Dortmundin në kuadër të fazës së grupeve në Ligën e Kampionëve.

Ndeshja e zhvilluar në “Signal Iduna Park” u mbyll me rezultat të barabartë 0:0, shkruan Zëri.info.

Në këtë ndeshje, Barcelona u ‘gjymtua’ me lëndimin e mbrojtësit të majtë Jordi Alba.

Gjatë ditës së sotme, klubi katalunas ka zbuluar gjendjen e Albas përmes një njoftimi në ueb-sajtin zyrtar.

“Testet mjekësore kanë treguar se Jordi Alba ka pësuar një lëndim në këmbën e tij të majtë. Futbollisti tashmë nuk është i gatshëm për lojë dhe fazat e rikuperimit do ta tregojnë kohën e rikthimit të tij”, thuhet në njoftimin e Barcelonës.

Ndryshe, në ndeshjen e djeshme, Alba luajti nga minuta e parë, por për shkak të lëndimit u detyrua të zëvendësohej nga Sergi Roberto në minutën e 40-të të ndeshjes./Zëri.info