Tahir Batatina e akuzon Drenicën për lojën e shfaqur në pjesën e parë

Drenica e ka mposhtur Llapin me rezultat 3:0 në ndeshjen hapëse të xhiros së dytë të Superligës së Kosovës në futboll, raporton Zëri.info.

Drenica në këtë ndeshje ishte skuadër shumë më konkrete.

Pjesa e parë e ndeshjes u mbyll me rrjeta të paprekura 0:0 ndërkohë që në pjesën e dytë, golin e parë në ndeshje e shënoi Harmon Van Dave Gbowea në minutën e 51-të.

Për 2:0 u përkujdes Osman Mziu me një gol të bukur të realizuar nga gjuajtja e lirë ne minutën e 63-të, kurse golin që e vulosi ndeshjen e shënoi Qemail Elshani në minutën e 74-të (3:0.

Trajneri i Llapit, Tahir Batatina foli pas ndeshjes për SuperSport Kosova.

"Lojë e ashpër nga Drenica në pjesën e parë. E ndërruam Labinot Osmanin dhe Enis Zabërgjën për shkak të lëndimeve. Kampionati i gjatë vetëm ndeshja e dytë ne duhet te mendojmë për ndeshjen e radhës", theksoi Tahir Batatina, përcjell Zëri.info.

"Në pjesën e dytë nuk na eci ashtu siç duhet. Ne pësuam gol amatoreskte dhe Drenica morri zemër për më tutje. Drenicës i uroj suksese dhe kampionat te mbarë", potencoi Tahir Batatina.

Drenica me këtë fitore ndodhet në pozitën e katërt me tri pikë të tubuara, kurse Llapi zë vendin e pestë po ashtu me tri pikë. /Zëri.info