Sa skuadra kanë arritur gjatë historisë ti fitojnë dy trofe brenda një edicioni – titullin & kupën?
Për të fituar titullin kampion është një rrugë e gjatë me shumë sfida dhe sakrifica, por të fitosh edhe kupën në të njejtën kohë është një malore edhe më e madhe.
Këtë malore e kanë kaluar tri klube në të kaluarën, derisa Feronikeli e ka bërë këtë gjë për herë të dytë.
Ishte ekipi i Besës që ia bëri sefte duke fituar ‘dopietën’: titullin kampion dhe kupën e Kosovës.
Ekipi i Genc Hoxhës në edicionin 2004/05 arriti të prekte majat e futbollit kosovar duke bërë diçka që nuk e kishte arritur askush në histori, shkruan Gazetasheshi.com.
Suksesin e Besës e arriti edhe FC Prishtina, teksa në edicionin 2012/13 arriti të triumfojë edhe titullin e kampionit, por edhe Kupën e Kosovës.
Kryeqytetasit të udhëhequr nga Afrim Tovërlani ishin të pakonkurencë në atë edicion që kishin arritur ta mbronin titullin kampion.
Titullin dhe kupën brenda një edicioni e fitoi edhe Feronikeli, teksa në edicionin 2014/15 arritën të regjistronin suksesin historik.
Si për ironi të fatit në krye të ekipit ishte Afrim Tovërlani, ai i cili është mësuar gjithmonë të fitoj.
Sikur nuk u mjaftuan me sukseisn e arritur katër edicione më parë, Feronikeli arriti dhe njëherë tjetër të fitojë ‘dopietën’, teksa këtë herë e bën nën drejtimin e Zekirija Ramadanit.
Ekipet që kanë arritur të fitojnë titullin dhe kupën brenda një edicioni të vetëm:
Besa 2004/05
Prishtina 2012/13
Feronikeli 2014/15
Feronikeli 2018/19./GazetaSheshi