Feronikeli nuk ndalet, tjetër gol ndaj Trepçës '89
Finalja e madhe e DigitAlb Kupës ndërmjet Trepçës ’89 dhe Feronikelit po zhvillohet në stadiumin “Fadil Vokrri”, raporton Zëri.info.
Feronikeli nuk ndalet. Skuadra nga Drenasi e ka dyfishur epërsinë (2:0) me golin e realizuar nga Mendurim Hoti në minutën e 28-të.
Pas një harkimi nga e majta në zonë nga Yll Hoxha, Kastriot Rexha tentoi me kokë, topi shkoi deri te Hoti i cili shënoi me një goditje precize.
Feronikeli ka kaluar në avantazh prej 1:0 me golin e realizuar nga Astrit Fazliu në minutën e 18-të.
Ai shënoi nga rreth 17 metra pas një pasimi të mrekullueshëm nga e djathta e Përparim Islamnit.
Për fitoren e Feronikelit do të bëjë tifo edhe Prishtina që në këtë rast do të dalte në Evropë si nënakmpion.
Trepça ’89: Beqiri, Pira, Basriu, Kaqiku, Mersini, Maloku, Jashari, Traore, Hoti, Hyseni, Herman. Trajner: Veton Çitaku
Feronikeli: Troshupa, Islami, Lladrovci, Prekazi, Hoxha, Dabiqaj, Morina, Fazliu, Hoti, Da Silva, Rexha. Trajner: Zekirija Ramadani
Gjyqtarë: G. Nuza, F, Berisha, B. Selimaj dhe B. Kasumi