Zbulohet shuma që ka paguar Llapi në Spitalin Amerikan për Valmir Veliun

Zbulohet shuma që ka paguar Llapi në Spitalin Amerikan për Valmir Veliun

Sport maj 13, 2019 - 16:13
Detajet

Talenti i Llapit, Valmir Veliu, të shtunën e kaluar e ka pësuar një lëndim të rëndë në kokë në ndeshjen Prishtina – Llapi (1:0), e cila i takoi xhiros së 31-të të Superligës së Kosovës në futboll, raporton Zëri.info.

Veliu mbeti për disa minuta në fushë pa ndjeja, ndërkohë që ndërhyrja e shpejtë e mjekëve bëri që ai të shpëtojë nga rreziku për jetë.

Veliu është kuruar në Spitalin Amerikan në Prishtinë ka qëndruar që nga disa e shtunë.

Shpenzimet e spitalit ia ka paguar skuadra e Llapit.

“Kryetari i klubit, Beqir Batatina ka thënë se për futbollistët e Llapit nuk diskutohen mjetet financiare. Jam në gjendje që t’i jap deri në 1 milionë euro vetëm që Valmiri mos të ketë asnjë shqetësim. Falë Zotit të gjitha analizat i kanë dal mirë”, ka thënë trajneri i Llapi, Tahir Batatina për Zëri.info.

Ai e zbulon edhe koston që deri më tash ka paguar Llapi për Veliun.

“Diku rreth 600 euro kanë shkuar shpenzimet. Por, kjo nuk ka rëndësi. Ne edhe Valin edhe çdo lojtar të Llapin e shohim si pjesë të familjes”, theksoi Batatina.

Tutje, Tahir Batatina konfirmon se Veliu është liruar ditën e sotme nga spitali.

“Sot është liruar Valmiri nga spitali dhe është dërguar në familje. Gjendja e tij është e mirë”, ka thënë Tahir Batatina për Zëri.info.

“Besoj se pas një jave do të jetë në gjendje që t’i kthehet stërvitjeve”, potencoi Tahir Batatina. /Zëri.info