Ronaldo, 400 km larg Prishtinës

Cristiano Rolando ia solli titullin e tetë radhazi kampionit Juventusit, duke u bërë kështu futbollisti që i ka fituar titujt e kampionit në tri liga të ndryshme: në Angli, Spanjë dhe Itali, shkrujnë mediat kroate, përcjell Zëri.info.

Vetëm tri orë pas ndeshjes së fundit me Fiorentinën, me avionin privat ka udhëtuar drejt Dubrovnikut të Kroacisë. Mediat kroate bëjnë të ditur se Ronaldo, bashkë me të dashurën e tij, Georgina Rodriguez, janë vendosur në Villën Sheherzada, në të cilën fjetja për një natë kushton 7 mijë euro.

Në të njëjtën villë, kohë më parë kanë qenë edhe artistët si Jamie Foxx, Elizabeth Taylor, Richard Burton dhe Sofia Loren. Një pamje nga apartamenti i tyre e ka postuar në rrjetin social Instagram, Georgina Rodriguez./Zëri/