Ndërron jetë ish-sportisti i njohur kosovar

Ndërron jetë ish-sportisti i njohur kosovar

Sport mars 22, 2019 - 15:40
Detajet

Ka ndërruar jetë Shemsedin Pantina, emër i njohur dhe i respektuar i hendbollit vushtrrias dhe hendbollit kosovar në përgjithësi.

I ndjeri Pantina është ndarë nga jeta në moshën 63-vjeçare, ndërsa është varrosur të premten në varrezat e qytetit të Vushtrrisë, në Begaj, shkruan faqja zyrtare e FHK-së, përcjell zeri.info.

Me ndarjen nga jeta të Shemsedin Pantinës, hendbolli kosovar ka mbetur pa një personalitet të respektuar që ka dhënë kontribut të çmuar për zhvillimin e sportit në vendin tonë. I

ndjeri Pantina për shumë vite është paraqitur si hendbollist te Kosova e Vushtrrisë. Ishte pjesë e kësaj skuadre në vitet shtatëdhjeta, kur Vushtrria ishte qendër e rëndësishme e hendbollit, ashtu si vazhdon të jetë edhe sot.

Kontributi i Shemsedin Pantinës ka vazhduar edhe si gjyqtar hendbolli.

Është në mesin e gjyqtarëve që kontribuuan pas mëvetësimit të hendbollit kosovar, në vitet nëntëdhjeta.

Presidenti i FHK-së, Eugen Saraçini, në emër të komunitetit të hendbollit, i shpreh ngushëllimet më të sinqerta familjes së respektuar Pantina.

Image