Për shkak të Shaqirit, tifozët e Liverpoolit 'kapen' keq me Klopp
Liverpooli u kualifikua mbrëmë në çerekfinalen e Ligës së Kampionëve.
Ndeshja e parë e fazës së eliminimit direkt përfundoi pa gola në “Anfield”, por epilog krejtësisht tjetër kishte në “Allianz Arena”.
Në Mynih, Liverpooli ia doli të fitojë me rezultat bindës, 3:1 për ta prekur çerekfinalen e Ligës së Kampionëve, shkruan Zëri.
Edhe në këtë ndeshje, trajneri Jurgen Klopp e injoroi mesfushorin nga Kosova, Xherdan Shaqiri.
Pasi nuk luajti në fundjavë kundër Burnleyt, Klopp vendosi të mos luajë as mbrëmë me reprezentuesin e Zvicrës.
Ndërkaq, tifozët e Liverpoolit nuk janë aspak të kënaqur me vendimin e trajnerit gjerman kundrejt Shaqirit.
Në rrjetet sociale, një tifoz me emrin ‘Adz’ ka shkruar: “P**dhu Jurgen Klopp, ai e trajton Xherdan Shaqirin si m*t”.
“Seriozisht, çfarë Xherdan Shaqiri ka bërë keq?”, ishte një koment tjetër nga ‘Josh Hinkel’./Zëri/