Shumë shqiptarë, shumë duiele interesante - Liga e Evropës me 15 ndeshje sonte
Në kuadër të fazës së 1/32-tës në Ligën e Evropës, sonte do të zhvillohen 15 ndeshje interesante.
Mbrëmë, u zhvillua ndeshja e kthimit mes Sevillës dhe Lazios, ku me rezultat të përgjithshëm, 3:0, skuadra andaluziane është kualifikuar në fazën e eliminimit direkt.
Ndërsa, sonte kualifikimin tutje e kërkojnë edhe favoritët si Arsenali, Chelsea, Interi dhe Napoli, shkruan Zëri.
Punët pak më keq i ka Arsenali, pasi skuadra e Unai Emeryt pësoi humbje në ndeshjen e parë në Borisov me rezultat minimal, 1:0, andaj sonte në Londër, “topçinjtë” kërkojnë rikthimin e rezultatit.
Në krye me dyshen shqiptare, Granit Xhaka dhe Shkodran Mustafi, Arsenali kërkon ta largojë zhgënjimin e tifozëve dhe ta zë një vend në fazën e ardhshme.
Chelsea e ka mposhtur në ndeshjen e parë Malmon me rezultat 2:1 në Suedi, ndërsa sot në Londër pritet ta vulosë kualifikimin, ashtu edhe si Interi që në Austri mposhti Rapid Wien me rezultat, 1:0, teksa sot “Nerazzurrët” duan kualifikimin në Milano.
Diese Szene hatte es in sich: Benjamin #Kololli beweist bei einem umstrittenem Penalty Nerven aus Stahl - und bringt die Hoffnungen des @FC_Zuerich via eiskaltem #Panenka kurzzeitig zurück. #ZURNAP #EuropaLeague #srffussball pic.twitter.com/ooFsSPbROk
— SRF Sport (@srfsport) February 14, 2019
Napoli kishte triumfuar kundër Zurich të shqiptarëve në Zvicër me rezultat, 3:1, ku golin e nderit për vendasit e kishte shënuar ylli i Kosovës, Benjamin Kololli, andaj skuadra e Carlo Ancelottit konsiderohet favorit absolut edhe sonte.
Ndryshe, sonte priten të paraqiten edhe futbollistët tjerë shqiptar si Amir Rrahmani (DNK), Elseid Hysaj te Napoli dhe të tjerë./Zëri/