E pranon futbollisti: I ri isha i çmendur
Rio Ferdinand ishte një nga mbrojtësit më të mirë në kohën e tij. Shtatlarti anglez arriti të shkruante historinë në Premier Ligë, teksa mbajti veshur fanellat e Manchester United, West Ham, Leeds, Bornemuth si dhe QPR.
Në një prononcim special për “The Guardian”, Ferdinand ka surprizuar të gjithë me historitë e treguara nga jeta e tij. 40-vjeçari pranon se ka abuzuar me alkoolin.
“Kam pirë shumë, kur isha i ri. Mund të pija deri më tetë, nëntë, ose dhjetë pint (njësi volumi në sistemet e matjes në Angli dhe SHBA). Dhe pastaj kalova te vodka. Kur isha i ri, mund të shpenzoja edhe tërë ditën duke pirë. Ama, gjithmonë pija pas ndeshjeve. Kjo ishte agjenda e ditës në West Ham: futboll, alkool dhe disko.
Kështu jetonim atje. Kur isha i ri, isha i çmendur. Kur isha te West Ham, kisha disa boshllëqe. Njerëzit flisnin për lojëra dhe rezultate, ndërsa unë nuk ua vija shumë veshin”, shkruan ‘The Guardian’, përcjell zeri.info
Te Manchester, Ferdinand pranon se pinte vetëm gjatë pushimeve dhe ishte shumë i përpiktë gjatë sezonit: “Në verë, pija gjatë dy javëve që isha pushim absolut”.
