Higuain te Chelsea, arrihet marrëveshja
Gonzalo Higuain dhe Maurizio Sarri do të punojnë sërish bashkë.
Gazeta spanjolle "Marca" ka dhënë lajmin e bujshëm se argjentinasi ka arritur akordin për t’u transferuar te Chelsea në këtë merkato.
El Pipita i ka thënë po propozimit që ka marrë nga Blutë e Londrës të cilët e dëshirojnë me çdo kusht Higuainin me kërkesë të trajnerit të tyre Sarri i cili ka punuar me Gonzalo gjatë kohës që drejtonte Napolin.
Por nëse Higuain shkon te Chelsea, nga londinezët do të largohet Alvaro Morata i cili nuk do të përfshihet në marrëveshjen me Milanin pasi po flitet gjithnjë e më shumë për një transferim të tijin te Sevilla.
Por përpara se kuqezinjtë të japin përgjigjen pozitive për këtë operacion merkatoje duhet të gjejnë më parë zëvendësuesin e argjentinasin, me Milanin që ka hedhur sytë nga polaku i Genoas, Piatek.
