Real Madridi dobët, Sociedadi tregohet i fortë për ta
Real Madridi ka pësuar humbje në “Bernabeu” me rezultatin 2-0 nga Real Sociedadi në kuadër të xhiros së 18-të në La Liga.
Skuadra e Santiago Solarit nuk e ka filluar aspak mirë vitin 2019, pasi barazoi edhe ndaj Villarrealit në ndeshjen e kaluar, raporton Express.
Golin e parë mysafirët e shënuan në minutën e 3’ të takimit nga pika e bardhë, që e ekzekutoi Willian Jose.
Kurse në pjesën e dytë për rezultatin final u kujdes Ruben Pardo.
Lucas Vazquez u ndëshkua me karton të kuq, pasi mori kartonin e dytë të verdhë në minutën e 61.
Reali mbetet në pozitën e pestë në renditje me 30 pikë, kurse Real Sociedad me këtë fitore ka 22 pikë, dhe pozicionohet në vendin e 11-të.
Në ndeshjen e radhës, reali e pret në shtëpi Leganes në kuadër të Copa del Rey, kurse Real Sociedad luan si mysafir ndaj Real Betisit, po ashtu në garën e Copa del Rey.
