Ky është stadiumi ku do të zhvillohet ndeshja Kosova - Ishujt Faroe
6,040 njerëz – vetëm kaq është kapaciteti në stadiumin “Torsvollur”, aty ku të dielën përballet Kosova me Ishujt Faroe.
Pas dy fitoreve dhe një barazimi – Kosova do të kërkojë një tjetër triumf në Ligën e Ko0mbeve të dielën kundër Ishujve Faroe, sfidë kjo që zhvillohet nga ora 18:00.
“Dardanët” kanë udhëtuar gjatë ditës së sotme në Ishujt Faroe dhe në mbrëmje do të kryejnë stërvitjen e fundit para kësaj përballje në mungesë të Hekuran Kryeziut, Benjamin Kolollit dhe Leart Paqaradës – që të gjithë të dëmtuar.
Sfida mes skuadrave të lartpërmendura zhvillohet në stadiumin “Torsvollur”, të ndërtuar më 1999, enkas për ekipin kombëtar.
Pas tri ndeshjeve në Grupin 3 të Ligës D, Kosova prin me 7 pikë, dy më shumë se përcjellësi më i afërt, Azerbajxhani. /Insporti.com/