Kompanitë e basteve, Kukësi dhe Shkëndija favoritë, pak shanse për Dritën

Kukësi dhe Shkëndija janë dy skuadrat shqiptare që shikohen të si të favorizuara nga kompanitë e basteve për të kaluar raundin e parë në Champions League.

Me një 1,5 kuotohet fitorja e Shkëndijës në ndeshjen e vajtjes që do të zhvillohet këtë të martë në Shkup ndaj skuadrës uellsiane The New Stations, ndërsa akoma edhe më i ulët është kualifikimi i kuqezinjëve tetovarë vetëm 1,16. 

Edhe Kukësi ka mundësi të shkëlqyera për ta kaluar këtë raund. Me 1,53 kuotohet fitorja e Kukësit në ndeshjen e parë që do ta luajë të mërkurën ndaj kampiones së Maltës, Valleta në Loro Boriçi. Më i ulët është kualifikimi i verilindorëve që kuotohet vetëm me 1,2 nga Bet365. 

Pak shanse ndërkohë ka Drita për ta kaluar raundin e parë në Champions League. Suksesi i skuadrës gjilanase në sfidën e parë ndaj kampiones së Suedisë Malmo që do të zhvillohet këtë të martë në stadiumin Adem Jashari të Mitrovicës kuotohet me koeficientin 8, ndërsa kualifikimi për më tej i kampiones së Kosovës kuotohet me 6,5, pasi tashmë Drita do të ketë përballë një kundërshtar dukshëm superior që synon fazën e grupeve, transmeton SS.