Belgjika shpreson në gjeneratën e artë të saj
Belgjika momentalisht ka në përbërje lojtarët më të mirë në historinë e futbollit të saj. Me yje të shumtë që luajnë në klube të mëdha evropiane, ky ekip i Belgjikës po konsiderohet të jetë gjeneratë e artë e këtij vendi. Por, për ta merituar këtë epitet ata duhet ta tregojnë veten në fushë dhe sigurisht ta fitojnë ndonjë titull, shkruan sot, gazeta “Zëri”
Belgjika momentalisht ka njërin prej ekipeve më të mira në botë. Me futbollistë të nivelit të lartë, si Eden Hazard, Kevin De Bruyne, Romelu Lukaku e shumë emra të tjerë, ky ekip konsiderohet të jetë gjenerata e artë e Belgjikës. Në përbërjen e saj Belgjika do të ketë edhe futbollistin shqiptar Adnan Januzaj. Por, ky ekip pavarësisht kualitetit nuk është se ka pasur ndonjë sukses të madh. Në Botërorin e kaluar nuk kishin arritur të bënin diç më shumë sesa çerekfinalja, ndërsa do të mundohen që këtë gjë ta përmirësojnë këtë vit. Tifozët belg pa dyshim që presin shumë nga ekipi i tyre në “Rusia 2018”.
Ylli i ekipit
I shpejtë, me aftësi të jashtëzakonshme dhe krijues i shumë golave dhe rasteve, Eden Hazard është njëri prej lojtarëve më emocionues në botën e futbollit. Ylli i Chelseat realizoi 6 gola dhe 5 asistime në kampanjën fantastike kualifikuese të përfaqësueses belge.
Shpresat
Pasi që ishte duke barazuar 1:1 ndaj Greqisë, dukej sikur Belgjikës do t’i duhej të priste më shumë për të siguruar kualifikimin e saj në Kupën e Botës. Por, kështu nuk mendonte edhe Romelu Lukaku, i cili realizoi një gol të bukur me kokë në tokën helene.
Trajneri
Ish-trajneri i Evertonit dhe Swanseas, Roberto Martinez, ishte një lloj kandidati i befasishëm për të zëvendësuar Marc Wilmotsin në vitin 2016, duke parë se kishte drejtuar klube vetëm në futbollin anglez, Por, spanjolli drejtoi Belgjikën drejt një kampanje kualifikuese pa asnjë humbje. Pjesëmarrja në Rusi do të jetë e para për Martinezin në kompeticionet e organizuara nga FIFA./Zëri
Historia e Belgjikës në Botërorë
Pjesëmarrja e parë në Botëror: 1930
Pjesëmarrja e fundit në Botëror: 2014
Arritja më e madhe: Vendi i katërt, 1986
Faza e parë: 12 paraqitje
Gjysmëfinale: 1 paraqitje
Finale: 0 paraqitje
Tituj: 0
Renditja në FIFA: 3
Lista e Belgjikës
Portierë: Thibaut Courtois, Simon Mignolet, Koen Casteels.
Mbrojtës: Toby Alderweireld, Dedryck Boyata, Jan Vertonghen, Vincent Kompany, Thomas Vermaelen, Thomas Meunier.
Mesfushorë: Youri Tielemans, Axel Witsel, Kevin de Bruyne, Mousa Dembele, Leander Dendoncker, Marouane Fellaini, Thorgan Hazard, Dries Mertens, Nacer Chadli.
Sulmues: Michy Batshuayi, Romelu Lukaku, Eden Hazard, Adnan Januzaj, Yannick Carrasco.
Trajner: Roberto Martinez
Grupi G
Ndeshjet e Belgjikës
18 qershor
17:00 Belgjika – Panamaja
23 qershor
14:00 Belgjika – Tunizia
28 qershor
20:00 Anglia - Belgjika
