Klopp lëvdon Van Dijkun
Trajneri i Liverpoolit, Jurgen Klopp thotë se mbrojtësi Virgil van Dijk ishte fantastik në fitoren 0:2 në udhëtim te Southamptoni të dielën, transmeton zeri.info
Reprezentuesi holandez bëri një paraqitje të mirë në qendër të mbrojtjes kundër ish-klubit të tij.
Van Dijk ishte vërshëllyer nga një pjesë e tifozëve të vendasve pas transferimit të tij në afatin kalimtar të janarit prej Southamptonit te Liverpooli për 75 milionë funte.
“Ai bëri një punë të mirë dhe u përball në mënyrë fantastike me situatën”, deklaroi Klopp.
“Ne patëm një bisedë të shkurtër para ndeshje dhe e pyeta se çfarë mendon, ‘jo, jam mirë trajner’. Nuk doja ta emocionoja nëse nuk ishte, qartazi ai nuk ishte”, shtoi strategu gjerman.
“Turma është aty për të t’ia bërë jetën e vështirë kundërshtarit, por nuk ishte shumë e vështirë në këndvështrimin e tij dhe jam i lumtur për këtë”, u shpreh ish-trajneri i Borussia Dortmundit.
