Bunjaki tregon arsyen e mungesës së tij në ceremoninë e FFK-së
Sport
January 12, 2018 - 23:49
Ish-përzgjedhësi i Kosovës, Albert Bunjaki ka sqaruar arsyen e mungesës së tij në ceremoninë e shpalljes së laureatëve të vitit nga Federata e futbollit të Kosovës.
Kjo e fundit i ka ndarë mirënjohje Bunjakit për kontributin e dhënë në futbollin kosovar qe një dekadë, edhe pse FFK-ja dhe Bunjaki para pak muajsh e kanë ndërprerë kontratën e bashkëpunimit.
Për mungesën e Bunjakit ka raportuar gjatë ditës “Zëri”.
Dhe trajneri i njohur kosovar ka bërë të ditur për “Zëri”, se nuk ka qenë në dijeni se ceremonia do të mbahej sonte.
“Edhe unë personalisht sot pasdite u informova që Federata pa qëllim ka harruar të më ftojnë. Gjithsesi jam shumë mirënjohës për përkrahjen dhe bashkëpunimin”, ka deklaruar Bunjaki për “Zërin”.