Çudira shqiptare: 27 gola në një ndeshje
Sport
November 12, 2017 - 14:08
Ndeshja e vlefshme për kampionatin e femrave, mes Kinostudios dhe Bilishtit, prodhoi një rezultat të çuditshëm ditën e sotme.
Vendi i parë në kampionat dhe vendi i fundit, luajtën mes tyre, dhe e gjithë ndeshja përfundoi me rezultatin 27-0, në favor të Kinostudios.
Në pjesën e parë, femrat e Kinostudios shënuan 15 gola, ndërsa në të dytën, 12 të tjerë. Bie në sy Çyme Lulaj, e cila ishte edhe golashënuesja e ndeshjes, me plot 10 gola të shënuar, 4 në të parën, dhe 6 të tjerë në të dytën.
Kinostudio renditet në vendin e parë pas 5 ndeshjesh, me 12 pikë, ndërsa Bilishti i fundit pa asnjë pikë, dhe me një golavarazh -60. /albeu.com/
