Akil Gjakova e fiton të argjendtën në Kampionat Evropian
Sport
November 11, 2017 - 17:05
Xhudisti Akil Gjakova e ka fituar medaljen e argjendtë në Kampionatin Evropian që është duke u zhvilluar në Podgoricë të Malit të Zi.
Gjakova veçse e kishte siguruar medalje për Kosovën pas fitores së djeshme ndaj xhudistit gjerman në gjysmë finale, por sot në luftë për medalje të artë, ai u mposht nga rusi Saian Ondar, shkruan Express.
Por, kaq i ka mjatuar atij për të qenë i argjendtë dhe për t'ia siguruar Kosovës edhe një medalje tjetër në këtë kampionat.
Kjo është medalja e dytë për shtetin e Kosovës pas të artës, të cilën xhudistja Distria Krasniqi e fitoi dje.