'Blindohet' stadiumi i Partizanit, çfarë po ndodh në Beograd

Aventura e Skënderbeut në Beograd, që ka nisur prej mesnatës së sotme e do të kulmojë në orën 19:00 me nisjen e takimit me Partizanin vendas, do të jetë e veçantë dhe jo e zakonshme.

Për shkak të ndodhive të së kaluarës, kryesisht ngjarjeve të ndodhura gjatë takimit Serbi-Shqipëri në tetor të vitit 2014, masat e sigurisë për këtë takim janë shumëfishuar.

Kjo që shihni në fotogalerinë e mëposhtme është situata aktualisht përreth stadiumit të Partizanit të Beogradit, impiant ku do të luhet ndeshja. Të pranishëm janë forca të shumë sigurie, qenë antieksploziv, mes shumë masave të tjera që përfshijnë edhe kamerat e sigurisë. /Top Channel/