Brikena përlotet kur dëgjon për përmbytjet në Shqipëri

Shqipëria dhe Kosova janë përballur këtë javë me vërshime të shumta, si pasojë e reshjeve intensive të shiut, duke shkaktuar përmbytje në disa zona të ulëta dhe rurale.

Këto zhvillime kanë marrë vëmendje edhe në mediet ndërkombëtare, të cilat kanë raportuar mbi gjendjen e rënduar, sidomos në Kosovë.

Përmbytjet në Shqipëri u trajtuan gjithashtu si temë diskutimi edhe gjatë prime-it të Big Brother VIP Albania.

Gjatë spektaklit, banorët u informuan për situatën e krijuar jashtë shtëpisë, ndërsa u shfaqën edhe pamje nga zonat e prekura, ku tokat e mbuluara nga uji dhe dëmet e shkaktuara ishin të dukshme.

Me të dëgjuar për këto përmbytje dhe pasojat e tyre, Brikena shpërtheu menjëherë në lot, e prekur nga ajo që po ndodhte jashtë mureve të shtëpisë.

Ajo është shprehur edhe më herët si një person mjaft i ndjeshëm dhe empatik, duke reaguar emocionalisht ndaj çështjeve të ndryshme.