Simon Cowell kujton tmerrin kur mësoi për vdekjen e Liam Payne

Simon Cowell ka ndarë momentin e tmerrshëm kur mësoi lajmin për vdekjen e Liam Payne dhe si u përpoq me dëshpërim të kontaktonte prindërit e këngëtarit.

Shefi i X Factor, 66 vjeç, tha për podkastin The Interview nga The New York Times se ishte i tronditur dhe nuk po mendonte qartë, duke shtuar se donte vetëm t’i fliste mamasë dhe babait të Liamit.

“Kishte shumë pak mënyra për të përshkruar ndjenjat e mia, përveçse thjesht tronditje”, tha Simon, duke kujtuar lajmin se Liam kishte vdekur në Buenos Aires më 16 tetor 2024, pasi ra nga ballkoni i katit të tretë të hotelit Casa Sur Palmero, shkruan DailyMail.

Simon përmendi se një vit më parë e kishte parë Liamin në gjendje shumë të mirë dhe u përpoq t’i jepte këshilla për famën dhe jetën.

Ai shtoi se, si menaxher dhe mentor, përpiqej t’u siguronte artistëve ekipin e duhur dhe mbështetje, por nuk mund të ishte pranë tyre gjithmonë.

Pas vdekjes së këngëtarit, Simon publikoi një homazh prekës: “Liam, jam i shkatërruar. Me zemër të thyer dhe ndihem bosh. Ti ishe i sjellshëm, qesharak, i talentuar dhe nuk e harrove kurrë publikun tend”.

Ai gjithashtu vizitoi prindërit e Liamit, Geoff dhe Karen, për t’i ngushëlluar dhe për të ndarë dhimbjen e humbjes së një djali të veçantë. /telegrafi