Përfaqësuesja e tyre në Eurovision hodhi flamurin në tokë, televizioni maqedonas paralajmëron tërheqjen nga gara
Radio Televizioni i Maqedonisë së Veriut (MRT), ka reaguar pasi përfaqësuesja e tyre në Eurovision, Andrea Koevska ka hedhur flamurin maqedonas në tokë gjatë ceremonisë hapëse të Eurovisionit.
MRT-ja ka dënuar sjelljen e këngëtares, ndërsa ka thënë se në asnjë mënyrë nuk qëndron pas kësaj sjelljeje skandaloze të përfaqësuesit të tyre në Eurovizion e cila tregoi mosrespektim ndaj simbolit kombëtar, e që dënohet me ligjet në Maqedoni, ndërsa nuk kanë përjashtuar mundësinë e tërheqjes nga Eurovisioni, transmeton Zeri.info.
“Radio Televizioni i Maqedonisë dënon ashpër veprimin e përfaqësueses sonë në ‘Eurovision Song Contest 2022’, Andrea Koevska, e cila hodhi në tokë flamurin shtetëror gjatë fotosesionit në Torino. Shërbimi publik nuk qëndron në asnjë mënyrë pas kësaj sjelljeje skandaloze të përfaqësueses sonë të Eurovisionit, e cila me atë gjest tregoi mosrespektim ndaj simbolit kombëtar, i cili dënohet me ligj”.
Më tej thuhet se MRT, pret që Andrea t’u kërkojë falje qytetarëve për një sjellje të tillë.
the way MRT is threatening to withdraw andrea over sliding her flag to take some pictures without it ë #Eurovision pic.twitter.com/d4esQI0u1e
— sarah ë #STANDWITHUKRAINE ë (@sarah_the_rtist) May 8, 2022
“Shërbimi publik po shqyrton mundësinë e tërheqjes së saj nga Eurovisioni, ndonëse do të bëhet kujdes që të mos i shkaktohen më shumë dëme RTVM-së.Ndaj përgjegjësve në delegacionin tonë do të merren të gjitha mundësitë ligjore për sanksionim më të rreptë për këtë skandal”, thuhet në një komunikatë të lëshuar nga MRT.
Maqedonia e Veriut në Eurovision këtë vit përfaqësohet nga këngëtarja Andrea me këngën “Circles” . /Zëri