Infektuar: 40117
Shëruar: 25586
Vdekur: 1026
Gashi, kontratë me shtëpinë “Sony Music”

Gashi, kontratë me shtëpinë “Sony Music”

Showbiz October 22, 2020 - 15:43

Këngëtari i njohur shqiptar me famë ndërkombëtare, Gashi, ka publikuar së fundmi në llogarinë e tij një foto ku shfaqet në studiot muzikore të ‘Sony Music’.

“Sapo u bëra pjesë e rekordeve ‘Rca’. Jam shumë i lumtur’, ka shkruar Gashi krah postimit të fundit duke zbuluar se ka lidhur tashmë një kontratë me shtëpinë diskrogafike në Londër.

Reperi Gashi është shumë i dashur për publikun dhe projektet e tij muzikore ka arritur të bëjë për vete shumë fansa sidomos shqiptarë. Artisti, prej vitesh jeton dhe vepron në Shtetet e Bashkuara të Amerikës, aty ku edhe po e ndërton karrierën e tij muzikore, transmeton albinfo.ch.

Reperi nuk ka zbuluar detaje të tjera pas këtij vendimi, megjithatë këto detaje pritet t’i ndajë vetë Gashi në ditët në vazhdim. Kujtojmë se deri më tani reperi shqiptar ka sjellë një sërë projektesh, të cilat kanë rezultuar mjaft të suksesshme.

Edhe emra të tjerë të njohur shqiptarë kanë lidhur kontratë me kompaninë e njohur si Era Istrefi, Enca etj. Kujtojmë se emra si Mariah Carey, Maluma, Britney Spears, Zayn Malik, Beyonce, Shakira e shumë të tjerë kanë lidhur kontratë me shtëpinë e njohur diskografike.