Digjet statuja e Melania Trumpit në vendin e saj të lindjes në Slloveni
Një statujë prej druri e Melania Trumpit është djegur.
Statuja e Zonjës së Parë 50-vjeçare, e vendosur në qytetin e saj të lindjes Sevnica, Slloveni, raportohet se u vu në zjarr të shtunën, 4 Korrik, përcjell gazeta "Blic".
Policia lokale i tha Brad Downeyt, artistit amerikan që porositi skulpturën, se statuja e Melania u vu në zjarr dhe se ata po hetojnë situatën. Ata gjithashtu e informuan atë se statuja do të shembet.
“Unë dua të di pse e bënë atë,” i tha Downey "Reuters"-it.
Artisti tha që qëllimi që qëndron pas statujës ishte të nxirrte në pah politikën e diskutueshme të imigracionit nga administrata e presidentit Trump, ndërsa bëri të ditur se vetë Melania është një emigrante.
Tani për tani as Melania dhe burri i saj nuk i janë drejtuar djegies së shtatores së saj.